У сьнежні 2001 года была выпушчаная першая вэрсія праграмы "Economist".  У цяперашні час прапануецца 4-я вэрсія прадукту.

"Economist 4" рэалізаваны на плятформе 1С-Прадпрыемства 7.7 і прызначаны для вядзеньня кіраўніцкага ўліку і бюджэтаваньня ў малых і сярэдніх кампаніях.

Праграма мае базавы функцыянал (гл. Спэцыфікацыю) і далучальныя дадатковыя модулі (гл. Спэцыфікацыю).

Асноўная мэта праграмы "Economist 4" - даць айчыннаму бізнэсу простую ў выкарыстаньні, надзейную і танную прыладу для ўліку, аналізу і плянаваньня дзейнасьці прадпрыемства. 

"Economist 4" дазваляе:

1. Аўтаматызаваць сыстэму кіраўніцкага ўліку ўнутры фірмы,
2. Ажыцьцяўляць бюджэтаваньне ўсяго гаспадарчага цыклю кампаніі. 

Агульная характарыстыка прадукта:

1. Базавая ўліковая палітыка заснаваная на міжнародных стандартах фінансавай справаздачнасьці (IFRS/IAS).
2. Лёгка ўбудоўваецца ў існуючую інфармацыйную сыстэму прадпрыемства, пры гэтым не разбурае і не зьнішчае яе.
3. Дазваляе атрымліваць актуальную, поўнавартасную кіраўніцкую інфармацыю.
4. Мадэлюе будучыню кампаніі.
5. Ужываецца просты, інтуітыўна зразумелы інтэрфэйс.

  З дапамогай модуляў экспарту-імпарту мажлівы аўтаматычны перанос пярвічных дакумэнтаў у "Economist" з іншых уліковых праграм. Такім чынам, бухгальтары і мэнэджэры працягваюць выкарыстоўваць свае звыклыя праграмы, а кіраўніцтва кампаніі з дапамогай "Economist 4" атрымлівае сьвежую, поўнавартасную кіраўніцкую справаздачнасьць. Такі падыход дазваляе пазьбегнуць празьмерных выдаткаў на складаныя інтэграваныя сыстэмы і адначасна зьмяншае тэрмін укараненьня кіраўніцкага ўліку і бюджэтаваньня.

 Базавая ўліковая палітыка праграмы заснаваная на прынцыпах міжнародных стандартаў фінансавай справаздачнасьці (IFRS/IAS). Такім чынам, падрыхтаваная справаздачнасьць пры неабходнасьці можа быць прадстаўленая замежным партнэрам ды інвэстарам.  

Яшчэ адной адметнасьцю праграмы зьяўляецца мажлівасьць бюджэтаваньня ўсёй гаспадарчай дзейнасьці кампаніі.

У праграме вядзецца два разрэзы ўліку:

• Фактычны
• Плянавы

Вынікі па гэтых разрэзах разьдзеленыя, што дазваляе праводзіць іх параўнаньне ў кіраўніцкіх справаздачах.

Плянавы разрэз уліку, у сваю чаргу, можа быць падзелены на некалькі незалежных сцэнараў (да 10). Напрыклад: стратэгічны бюджэт, апэратыўны бюджэт, плацёжны каляндар, аптымістычны і пэсымістычны варыянты і г.д.

  Функцыя бюджэтаваньня рэалізавана проста і наглядна: каб скласьці бюджэт, карыстальніку дастаткова ўвесьці стандартныя дакумэнты ў будучым пэрыядзе і адзначыць іх, як бюджэтныя. Такім чынам, у праграме ўвасобленая ідэя імітацыйнага мадэляваньня дзейнасьці кампаніі.

Бюджэтаваць можна адвольны пэрыяд: ад году да аднаго дня. Распрацоўка штомесячнага бюджэту можа адбывацца ў разрэзе кожнага падразьдзяленьня з ягонай паступовай дэталізацыяй да тыдня ці працоўнага дня. 

Па меры разносу фактычных дакумэнтаў, кіраўніцтва атрымлівае магчымасьць параўноваць плянавыя і фактычныя дадзеныя ў справаздачнасьці і своечасова прымаць кіраўніцкія рашэньні, у тым ліку карэктаваць бюджэт ("паступовае бюджэтаваньне").

Асноўныя перавагі праграмы "Economist 4":  

• лёгкая наладжваемасьць пад тып і структуру бізнэсу;
• падтрымка матрычных фінансавых структураў кампаніі (да 5 вымярэньняў);
• кансалідаваны ўлік па ўсіх падразьдзяленьнях прадпрыемтсва;
• мажлівасьць бюджэтаваньня гаспадарчай дзейнасьці;
• мультывалютны ўлік з прывязкай да асноўнай валюты (звычайна да даляру ЗША ці Эўра);  
• вядзеньне ўліку грашовых сродкаў па некалькіх касах і разьліковых рахунках;
• улік руху тавару, матэрыялаў і паслуг;
• улік пазаказнай і сэрыйнай вытворчасьці;
• улік асноўных сродкаў і нематэрыяльных актываў;
• улік узаемаразьлікаў з контрагентамі ў разрэзе мэнэджэраў, валют, тэрмінаў доўгу;  
• улік унутрыхолдынгавых узаемаразьлікаў;
• улік выдаткаў фірмы з магчымасьцю іх налічэньня і разьнясеньня на розныя пэрыяды;
• аўтаматычнае альбо ручное размеркаваньне выдаткаў паміж ЦФУ;
• фінансавая справаздачнасьць (балянс, справаздача аб прыбытках і стратах, кэш-фло), аналіз запазычанасьцяў, асноўных сродкаў, стандартныя справаздачы і дыяграмы.
• канструктар справаздачнасьці, які дазваляе карыстачу распрацоўваць уласныя справаздачы без дапамогі праграміста.

Мэтадалёгія ўкараненьня:

• З боку кампаніі "Sinkevich Technologies" вылучаецца кваліфікаваны кансультант і праграміст
• З боку кліента ствараецца адмысловая працоўная група.

Задачы кансультанта і працоўнай групы:

1. папярэдняе парадкаваньне арганізацыйна-штатнае й фінансавае структураў
2. распрацоўка ўліковага цыклю й уліковае палітыкі кампаніі, выбар мэтодыкі збору
3. апрацоўкі і аналізу кіраўніцкае інфармацыі
4. навучаньне карыстальнікаў

У працэсе ўкараненьня праграма дадаткова наладжваецца пад канкрэтныя патрэбы заказчыка:

• усталёўваюцца модулі пераносу банкаўскіх выпісак і справаздачаў аб руху тавара і выдаткаў
• наладжваецца інтэграцыя з аддаленымі працоўнымі месцамі
• распрацоўваецца спэцыялізаваныя інтэрфэйсы і наборы правоў доступу
• ствараюцца індывідуальныя справаздачы і сэрвісныя апрацоўкі

  Поўны цыкль укараненьня праграмы займае ад 2 да 6 месяцаў.

Кампанія "Sinkevich Technologies" забясьпечвае наступную падтрымку сваіх кліентаў:

• Кансультаваньне карыстальнікаў электроннай пошце і праз сайт падтрымкі;
• Бясплатнае выпраўленьне памылак канфігурацыі (неадпаведнасьцяў "Кіраўніцтву карыстальніка")
• Рэгулярнае прадастаўленьне абнаўленьняў канфігурацыі  па электроннай пошце, праз ftp-сэрвэр, альбо пры дапамозе нашых адмыслоўцаў.
• Магчымасьць выкліку нашых супрацоўнікаў для кансультацыяў і вырашэньне тэрміновых пытаньняў.
• Падтрымка карыстальнікаў праз карпаратыўную Інтэрнэт-сыстэму кіраваньня праектамі.

Падрабязьней пра кошты...